Կապույտ լճի վրա, բացերի մեջ պարապ

Վիքիդարանից՝ ազատ գրադարանից
Jump to navigation Jump to search
Կապույտ լճի վրա, բացերի մեջ պարապ

Եղիշե Չարենց

Կապույտ լճի վրա, բացերի մեջ պարապ


Կապույտ լճի վրա, բացերի մեջ պարապ,
Օրորվում է ահա մի սպիտակ կարապ:

Վարը, որպես երկինք, լիճն է ծփում օրոր, —
Վերը, որպես մի լիճ, կապույտ երկինքն է խոր:

Ծի՛ր ու սահման չկա, չկա երկինք, երկիր, —
Հոգիդ փռի՛ր արձակ, ո՜ղջ աշխարհը գրկիր...

Անրջորեն ապրի՜ր տիեզերքում հրափ —
Որպես անդարձ մի երգ, որպես ճերմակ կարապ...


1919-1920