Հայաստան հանրագիտարան/ՀՀ Վերահսկիչ պալատը
| ← ՀՀ Մարդու իրավունքների պաշտպանը | Հայկական հանրագիտարան հրատարակչություն |
ՀՀ Հանրային խորհուրդը → |
[ 16 ]
ՀՀ վերահսկիչ պալատը
Վերահսկիչ պալատը (ՎՊ) անկախ մարմին է, որը, «Վերահսկիչ պալատի մասին» ՀՀ օրենքի (2006) համաձայն, վերահսկողություն է իրականացնում բյուջետային միջոցների և պետական ու համայնքային սեփականության օգտագործման նկատմամբ։ Պալատի գործունեության ծրագիրը հաստատում է ԱԺ-ն։ ՎՊ-ն տարեկան ոչ պակաս քան մեկ անգամ ԱԺ է ներկայացնում իր վերահսկողական աշխատանքների հաշվետվությունը։ ՎՊ-ի նախագահը նշանակվում է ՀՀ նախագահի առաջարկությամբ՝ ԱԺ-ի կողմից՝ 6 տարի ժամկետով։ Նույն անձը չի կարող ավելի քան 2 անգամ անընդմեջ նշանակվել ՎՊ-ի նախագահ։
2007-ից ՎՊ-ի նախագահը Իշխան Զաքարյանն է։