Միայն խմիր արեգակի բույրը ջինջ

Վիքիդարանից՝ ազատ գրադարանից
Jump to navigation Jump to search
Միայն խմիր արեգակի բույրը ջինջ

Եղիշե Չարենց

Միայն խմիր արեգակի բույրը ջինջ


Միայն խմիր արեգակի բույրը ջինջ, —
Արև՜ դարձիր — արևահամ — ամոքիչ:

Ուրիշ ոչինչ չի՜ կամենա սիրտը իմ.—
Ողջը — հրին, արնանման արևին:

Սուր սվիններ, բուրմունք ու սեր, երգ ու գույն,
Տենդը արյան — արևահամ խնդություն:

Ու նժույգներ, ոսկի ու ծափ, կանչ ու ճիչ. —
Ո՞վ է քեզ պես արևահամ — ամոքիչ…


Երևան, V 1921թ.