Ու վառվո՜ւմ է օրերում սիրտս, որպես ողջակեզ

Վիքիդարանից՝ ազատ գրադարանից
Jump to navigation Jump to search
Ու վառվո՜ւմ է օրերում սիրտս, որպես ողջակեզ.

Եղիշե Չարենց

* * *


Ու վառվո՜ւմ է օրերում սիրտս, որպես ողջակեզ.
Ջե՜րմ հողմերում ու հրում քե՜զ եմ տեսնում հիմա ես:
Փռել ես հուրդ ոսկի, վառել ես կյանքը մթար,
Վառել ես սիրտս՝ խոսքի կարկաչներով արեւառ:
Բա՜ց ես թողել հողմային քո նժույգները կարմիր,
Որ հրդեհեն կյանքը հին ու քաղաքները մարմար:
Ու թռչում են սրընթաց քո նժույգները հիմա -
Քա՛ղցր է աշխարհը սրտիս, քաղցր է կյանքը, որպես մահ...