Վիքիդարանից՝ ազատ գրադարանից
Տաղ Աստուածածնին յԱղթամարցի Գրիգորիսէ ասացեալ — Անեղին տաճար
ՏԱՂ ԱՍՏՈԻԱԾԱԾՆԻՆ ՅԱՂԹԱՄԱՐՑԻ
Անեղին տաճար,
Բանին բարերար,
Գերագոյն գովեալ, տիրամայր,
Դու յամէն լեզուէ:
Երգեաց Գաբրիէլ,
Զանեղն Մանուէլ,
էացաւ ի քէն, տիրամայր,
Ընկալաւ մարմին:
Թագաւորին մայր,
Ժառանգորդ եղար,
Ի քո միածնէն հայցեա՛, տիրամայր,
Լոյսն ի մեզ ծագէ:
Խնամօք խընամէ,
Ծածկոյթիւ ծածկէ,
Կեցո՛ ի չարէ, տիրամայր,
Հովանաւորէ՛:
Ձայնիւըդ ձայնէ՛,
Ղամբարմամբ վառէ՛,
Ճգնութեամբ պահէ՛, տիրամայր,
Մեզ առաջնորդէ՜:
Յորժամ գայ յերկնէ,
Նըստեալ դատ առնէ,
Շնորհօք զմեզ քաւէ, տիրամայր,
Որպէս վայել է:
Չարն ի մէնջ մերժէ,
Պատուեալ պըսակէ,
Ջահ լուսոյ վառէ, տիրամայր,
Ռահ, որ յերկինս է:
|
|
Սոսկալի սրովբէ,
Վեհ քան ըզքրովբէ,
Տօնողացս օգնէ, տիրամայր,
Րամիցըս լսէ:
Ցաւն ի մէնջ մերժէ,
Իիւծեալ պըսակէ,
Փրկեա՛ ի վտանգէ, տիրամայր.
Քեզ փառք ի յերկնէ:
Ով եղանակէ,
ԶԳրիգորիսն յիշէ,
Զփոխարենն առցէ հատուցման
Նա ի Քրիստոսէ:
|
|
