Տաղ վերացման խաչին

Վիքիդարանից՝ ազատ գրադարանից
Տաղ վեչացման խաչին

Գրիգոր Նարեկացի


ՏԱՂ ՎԵՐԱՑՄԱՆ ԽԱՉԻՆ


Ես ձայն զառիւծուն ասեմ,
որ գոչէր ի քառաթևին,
Ի քառաթևին գոչէր,
ձայն առնէր ի սանդարամետն:
Սանդարամետն այն ի դող եղեալ
սանասէր ի ձայնէն ահեղ:
Ահեղ ձայնս, որ ես լուայ,
սա քակէ զամուրս որ ունիմ:
զԱմուրս իմ քակել կամի,
գերելոցն առնել գերէդարձ:
Գերեացն երանի ասեմ`
որ եղեն ի յառն առիւծուն:
Ի յառն առիւծուն եղեն`
այլ չունին ակն տանջելոյ:
Ակն տանջելոյ չունին`
ակն ունին անանց պսակին:
Պսակ բոլորեալ առնուն
յառիւծէն, յանմահ արքայէն:
Փառս փրկողին տացուք,
որ փրկեաց զգերեալսն ի բանտէն: