Քո՜ւյր, իմ հոգին լուռ ու տարտամ — մի ստվեր է լոկ

Վիքիդարանից՝ ազատ գրադարանից
Քո՜ւյր, իմ հոգին լուռ ու տարտամ — մի ստվեր է լոկ

Եղիշե Չարենց

Քո՜ւյր, իմ հոգին լուռ ու տարտամ — մի ստվեր է լոկ


Քո՜ւյր, իմ հոգին լուռ ու տարտամ — մի ստվեր է լոկ,
Դղյակի մեջ քո մենության — մի ստվեր է լոկ:

Եթե նայես կճանաչես, կտեսնես հանկարծ,
Որ ձևերիդ այնքա՛ն նման — մի ստվեր է լոկ:

Գուցե ժպտաս, գուցե տրտմես, երբ զգաս, որ նա —
Եղերակա՛ն երկուության մի ստվեր է լոկ...