Այցետոմս

Վիքիդարանից՝ ազատ գրադարանից
Jump to navigation Jump to search
Զինվորի այրու երգը Վարդան Հակոբյան, Երկեր, հատոր Ա՝ Այցետոմս

Վարդան Հակոբյան

Ձայն
ԱՅՑԵՏՈՄՍ


Արծիվ չեմ գուցե,
Բայց ունեմ երկինք,
Բայց ունեմ լեռներ,
Նաեւ՝ արծվություն։
Եվ թե թռիչքս ծանր է այսքան,
                 դա նրանից է,
Որ իմ թեւերին տանում եմ լեռներ,
Եվ թե երգելու փոխարեն մեկ-մեկ
        ճիչ եմ արձակում կապույտների մեջ,
Դա նրանից է,
Որ իմ կտուցին պահում եմ հատիկ,
Ծլունակ մի հունդ,
Որից արեւներ պիտի ընձյուղվեն...