Անվերնագիր (Եղիշե Չարենց)

Վիքիդարանից՝ ազատ գրադարանից
Jump to navigation Jump to search
Գանգրահեր տղան Անվերնագիր

Եղիշե Չարենց

Մի հոկտեմբերիկի

[ 106 ]

ՄԱՆՐ ԲԱՆԱՍՏԵՂԾՈՒԹՅՈՒՆՆԵՐ
ԱՆՎԵՐՆԱԳԻՐ


Հիշո՞ւմ ես` ինչքա՜ն
Սիրում էիր դու
Այն լավ աղջկա
Աչքերը խնդուն,

Գգվանքները հեզ
Այն լա՜վ աղջկա,
Որ սիրում էր քեզ
Ու հիմա չկա...
Հիշո՞ւմ ես` անգամ
Այն պահի՛ն ահեղ
Ժպիտով կարկամ
Նա դեմքիդ նայեց —
Եվ ասաց քեզ նա.
«Մի՛ լինիր տրտում,

Որ պայծառ մնա
Հուշս քո սրտում...»:
1929

    1. ԱՆՎԵՐՆԱԳԻՐ##

[ 106 ]