Մի հոկտեմբերիկի

Վիքիդարանից՝ ազատ գրադարանից
Jump to navigation Jump to search
Անվերնագիր Մի հոկտեմբերիկի

Եղիշե Չարենց

Գովք խնդության

[ 107 ]

ՄԻ ՀՈԿՏԵՄԲԵՐԻԿԻ

Արև՛ ունես քո աչքերում,
Քո աչքերում, քո ձեռքերում,
Քո այդ փամփլիկ թաթիկներում,
Քո խատուտիկ աչիկներում:—

Քո խատուտիկ աչիկներով
Պիտի նայե՛ս մի օր հեռուն,
Դրո՛շ պիտի պահես մի օր
Քո ամրացած ձեռիկներում,—
Ու չմարող իմ երգերով

Պիտի գնաս դեպի գրոհ...
1929