Վիքիդարանից՝ ազատ գրադարանից
Գազել մտերմական
Համո ՍԱՀՅԱՆԻՆ
Քեզ Որոտանն է տվել աշխարհին,
Ծնվել եմ ափին ես իմ Թարթառի։
Մեր ծնունդին նույն նվագն է հնչել՝
Միևնույն լարից միևնույն թառի։
Ես ապրում եմ իմ Արցախի սիրով,
Դու՝ քո սիգապանծ Սյունյաց աշխարհի։
Ու նույն ոգով դեռ երգեր ենք գրում,
Ես՝ լույս հավատով իմ լուսաշաղի,
Դու՝ իմաստնացած քո ոսկե աշնան
Տաք կարոտներով լի մթնշաղի...
03.07.82, Ստեփանակերտ
|
|
