Գարնան երեկո

Վիքիդարանից՝ ազատ գրադարանից
Jump to navigation Jump to search
Խոսքերըդ վճիտ են ու խորունկ Գարնան երեկո

Վահան Տերյան

1908
Այստեղ ամեն օր տխրությամբ երկար

[ 157 ] 6

ԳԱՐՆԱՆ ԵՐԵԿՈ

Անհուն երկնքի կապույտ աշխարհում
Մի քնքուշ թռչուն իր նուրբ ու բարակ
Թևերն է փռում.
Եվ մեկը անտես, շարժումով արագ,
Ոսկի է մաղում, գոհար է ցրում
Կապույտ դաշտերում...

Այրում են սիրտըս անբարբառ երգեր,
Դողում են շուրջըս անխոս դյութական,
Եվ նրբին ձեռքեր
Ինձ են որոնում տենչով կուսական...
Լո՜ւռ... Սիրո համար էլ չըկան երգեր,
էլ խոսքեր չըկան...

[1908]