Գարնան լուսե ամպի նըման

Վիքիդարանից՝ ազատ գրադարանից
Jump to navigation Jump to search
Դու հասկացար տագնապները իմ հոգու Գարնան լուսե ամպի նըման

Վահան Տերյան

Դու խոսում ես, բայց կարծես


Գարնան լուսե ամպի նըման


Գարնան լուսե ամպի նըման՝
Այս խավար կյանքում
Դու նետել ես մի թովչական
Ժըպիտ իմ հոգուն։

Մոլոր սրտիս տառապանքի
Անլույս աշխարհում
Դու վառել ես մի այլ կյանքի
Արևոտ հեռուն։

Դրոշմել ես բոցե կընիք
Մեռած իմ հոգում.
Դո՛ւ իմ հավատ, իմ հայրենի՛ք,
Դո՛ւ իմ փրկություն...