Երգ (Նվեր Գ. Տեր-Մարտիասյանցին)
Երգ
(Նվեր Գ. Տեր-Մարտիասյանցին)
Ըստ եղանակին՝
Խնդրեմ, վեր կացե՛ք,
Եղբայրը անգին,
Դաս-դաս կանգնեցեք
Ուրախագին։
5
Ահա՛ բաժակներ
Ոսկեզօծած,
Առե՛ք, ընկերներ,
Իմ զվարթացած։
Ահա՛ խնդության
10
Եվ գինիներ,
Գույն-գույն, զանազան
Շամպայն, Մադեռ։
Ահա՛ Կախեթին
Կովկասյան մեր,
15
Ահա՛ թանկագին
Խերես, Սոտերն։
Առե՛ք բաժակներ
Ուրախալի,
Լցնենք ի նըվեր
20
Մեր Հայ ազգի։
Կեցցե՜ն, երգեցե՛ք,
Հայ աղջիկներն,
Կեցցե՜ն, հնչեցե՛ք,
Հայ զավակներն։
25
Լցրե՛ք, կոնծեցե՛ք
Դարձյալ, կրկին,
է՛լ մի՛ խնայեք
Պաշտվող փողին։
Խմեցե՛ք խնդագին
30
Սիրո համար,
Սե՛րն է ձեր հոգին,
Տեր բախտն պայծառ։
Երգած է վաղուց,
Կյանք մեր կարճ է,
35
Այսօր կանք, էգուց
Կըմեռնենք, գուցե։
Այսօր կենդանի,
էգուց գետնում,
Անելանելի,
40
Պինդ դագաղում։
Ուրեմն, գավաթներ
Շխկացնելութ
Առե՛ք, եղբայրներ,
Անուշ պաչով։
- ↑ Սաթե գավաթը
Լիքն է վաղուց։
Ոգելից փրփուրով
Շողում է գինին։
(Պուշկին)