մէջ, յարմար բնակարան մը դնել իւր տրամադրութեան տակ: Հիւրընկալներ ընտրուեցան քաղաքապետ, ոստիկանապետ և Ա. Թէրզիպաշեան:
Նիստ 5-րդ. 9 յունիս 1915 թ.
Բացակաները - Արարատեան Ս., Համբարձումեան Կ. օրակարգներ.
Կրթական գործը
Ընթացիկ հարցեր
Որոշումներ.- Նախապէս առաջարկուած էր կրթական տեսչութեան
ծրագիր մը պատրաստել կրթական գործի շուրջ և ներկայացնել ժողովին: Առաջարկուած ծրագիրը պատրաստուած լինելով, ժողովին բերուեցաւ: Նախքան զեկուցում-ծրագրի ընթերցումը, մտքերի փոխանակութիւն կատարուեցաւ այն հարցի շուրջ, թէ կրթական գործը ըստ նախկին դրութեան առաջնորդարանի՞ն թողնելու է, թէ՞ կառավարութիւնը իր ձեռքն առնելու է: Նախքան այդ հարցի վերջնական լուծումը, որոշուեցաւ ճշտել նախկին կառավարութեան և ազգ. առաջնորդարանի միջև եղած յարաբերութիւն, ասոնցմէ իւրաքանչիւրի իրաւասութեան սահմանը մտցուի հաշուապահական մատեաններու մէջ:
Նիստ 6-րդ. 19 յունիս 1915թ.
Բացակայ չկայ.
Օրակարգներ
Կրթական ծրագ.
Դատարանի ծրագ.
Տնտես․ մարմնի տեղեկագիր
Բնակարանի համար ազատ հողերու խնդրանք
Բերկրիի շրջանի Շարապխանէ գիւղի հանքային ջրերու շահագործման մենաշնորհի խնդիրը.
Ոստիկանական շրջանապետի պաշտօնանկութեան խնդիրը.
Որոշումներ.- Թէև ա. օրակարգի նիւթը կրթական խնդիրը պիտի լինէր ըստ նախորդ ժողովի որոշման, բայց ստիպողականութեան հանգամանքով Տնտ. մարմնի տեղեկագրի մասին, որոշուեցաւ խորհրդակցել, Տնտես․ ժողովի նախագահութեան կողմէ 1915 թ. յունիս 19-ին պատրաստուած տեղեկագիրը կարդացուեցաւ, նկատողութեան առնուեցան հետևեալ խնդիրները.
Յունիս 4-ի ժողովի մէջ նախորդ ժողովի որոշումը փոփոխելով, որոշուած էր քաղաքի և շրջակայքի լքուած կալուածներու վարձակալութեան գործողութեան ձևը փոխել-քննիչներ նշանակել, անոնց միջոցով վարձու տրուելիք կալուածներու արժէքը որոշել, աճուրդի դնել և վարչական խորհրդի վաւերացման ենթարկել։ Տեղեկատուն բացատրելէ յետոյ թէ գործի այդ եղանակէն ոչ մի օգուտ չտեսնուեցաւ. կաւելցնէր, թէ դարձալ
