Այս էջը հաստատված է
անգիտակցաբար ըրած ծառայությունը, ձեռքերը կշփեր իրարու և հավանության նշաններ կըներ։ Վերջապես, Արտակը Բարպային ձեռքը սեղմելե հետո դարձավ դեպի Միհրանը և ձեռքը տվավ անոր։
— Միհրանը,— ըսավ Զարեհ էֆենդին,— կոլեջ պիտի մտնե:
— Մենք լավ ընկերներ կըլլանք,— ըսավ Արտակը։
Եվ երկու պատանիները մինչև իրենց ականջները կարմրեցան։
— Է՜հ, ինձի մոռցա՞ր,— ըսավ Մաննիկը, երբ Միհրանը՝ անակնկալ հուզումեն գլխապտույտ զգալով, գինովի պես կբարձրանար կամուրջը։
Միհրանը ետև դարձավ, ձեռքը երկարեց Մաննիկին և ֆեսը ալ ավելի ճմռթկելով մյուս ափին մեջ, հետևեցավ մորեղբորը՝ շոգենավ մտնելու համար։
