Էջ:Թումանյանի ԵԼԺ հ1.djvu/445

Մի կողմից էլ բանդեն^[1] զըրկեց,
Կորչում էի սովամահ․․․

Բայց չըգիտեմ ես վըհատել,
Սով, եկ^[2] լինի, թե երաշտ,
Խոփ ու ձևիչըդ կարկատել,
Դուրս եմ եկել կրկին դաշտ․․․

ԱՄԱՌՎԱ ԳԻՇԵՐԸ ԳՅՈԻՂՈԻՄ
(էջ 27)
Տարբերակ
ԱՄԱՌԱՅԻՆ ԳԻՇԵՐԸ ԳՅՈԻՂՈԻՄ

Լուսընկա գիշեր,
Երկինքը պայծառ.
Անհամար աստղեր
Ճրըքճրըքում են վառ։

5 Քնած է Դսեղ`
Հին հայի գյուղը,
Մթնած ու լուռ է
Գյուղացու խուղը։

Եվ ժիր գյուղական
10 Ընտանիքն ահա,
Սրահում, կալում,
Կամ կտրի վերա,

Խոնջացած օրվան
Դառն աշխատանքից,
15 Ոտնուծոց արած^[3],
Քնած են հանգիստ:

1. Դփ-ում՝ Հողեղենը, մարդը։
2. Դփ-ում՝ Անձրևային։
3. Գյուղերում վերմակի սակավության պատճառով ոտնուծոց են անում — մի վերմակի տակ պառկում են այս և հակառակ կողմերից, այնպես որ մեկի ոտները մյուսի ծոցին են լինում: