«Այս տողի փոխարեն ԲՄ 2-րդ հատորի մեջ դրված են կետեր։ Այդ, հավանաբար, արված է գրաքննիչի ձեռքով։ ԲՄ 2-րդ հատորի՝ Ղ. Աղայանին նվիրած օրինակում Թ—ը կետերի վրա գրել է՝ «Մեր հալածված հայրենիքում», որի հիման վրա և մենք վերականգնել ենք տողը» (էջ 26)։
«Ի՞ՆՉ ԵՍ ԿԱՏԱՂԵԼ ԱՆՄԵՂ ԱՐԱՐՔԻՑ...»
(էջ 38)
Գրված է 1889 թ., ինչպես թվագրված է առաջին հրատարակությունը:
Տ. Փիրումյանի վկայությամբ՝ Թումանյանն այս ոտանավորը գրել է ի պաշտպանություն Գ. Արծրունու, ընդդեմ նրա հակառակորդների, տվյալ դեպքում՝ կոնսիստորականների (տե՛ս ԹԺՀ, էջ 345)։
ԹԸԱ պատառիկների մեջ պահվում է առաջին քառատողի ինքնագիրը։
Առաջին անգամ տպագրվել է ԲՄ 1, էջ 84, որտեղից և արտատպվում է:
Տե՛ս նաև «Նահատակ» բանաստեղծության ծանոթագրությունը։
«ԵՍ ՆԱՅՈՒՄ ԵՄ. ԻՄ ԱՌՋԵՎ...»
(էջ 39)
Գրված է 1889 թ.։
Տ. Փիրումյանի վկայությամբ՝ այս բանաստեղծության ներշնչման պահը Թումանյանն ապրել է Թիֆլիսի Բուսաբանական այգու բարձունքից քաղաքը դիտելիս (տե՛ս ԹԺՀ, էջ 345)։
Ինքնագիրը չի պահպանվել։
Առաջին անգամ տպագրվել է ԲՄ 1, էջ 74, այնուհետև՝ ԵԺ I, 17—18:
Արտատպվում է ԲՄ 1-ից։
ՄԱՆԿՈՒԹՅՈՒՆ
(«Երբ որ գարշելով տեսնում եմ շուրջս...»)
(էջ 40)
Գրված է 1889 թ.։
Ինքնագիրը չի պահպանվել։
