Էջ:Թումանյանի ԵԼԺ հ10.djvu/198



180․ ՀՈՎՀԱՆՆԵՍ ԿՈՍՏԱՆՅԱՆԻՆ Թիֆլիս—Բաքու

<1913>, 12 նոյեմբերի, Թիֆլիս

Սիրելի բարեկամ, պ․ Հովհաննես,

Գալիս է մեր աշուղ Հազիրին իր խմբով Սայաթ-Նովայի երեկույթի համար։ Հավատացած եմ, որ գոհ պիտի մնաք ու նրանց էլ գոհ պիտի ճանապարհ դնեք։

Ուղարկում եմ հետները Հախվերդյանի տպած Սայաթ-Նովայի վերջին օրինակները կազմած. 2 օր. 2 ռ. 75 կոպեկանոց,

4 օր. 2ռ․ 50, 4օր․ 2ռ․ 20 և միօրինակ 2 ռ․,

ընդամենը 26 ռուբլի, 30 կոպեկի—գրողների ընկերության գրքերն են։

Հաջողություն եմ ցանկանում։

Ջերմ բարևներով՝

Ձեր Հ․ Թումանյան

Հ. Գ. Բայց դեկտեմբերի 1-ին Սայաթ-Նովայի արձանի բացումն է. պետք է անպատճառ էստեղ լինի խումբը¹։

Նույն

Մեծ <ապատիվ>

պ. Հովհաննես Կոստանյանին

Բաքու