Էջ:Թումանյանի ԵԼԺ հ10.djvu/206

Москва.

Долгоруковская ул., 52.

кв. 9. Г. Артавазду Туманяну

188. ԳՅՈՒՏ ԱՂԱՆՅԱՆԻՆ

1914, մարտի 20, Թիֆլիս

Սիրելի տեր Գյուտ հայր,

Ես միշտ մնում եմ անփորձ մարդ․ և ես եմ մեղավոր։ էս մի քանի օրն էլ, թող Ձեր խոսքովը լինի։ Կսպասեմ¹։

Լեոն Երևանից գրում է՝ Ձեզ ասեմ, թե սպասում է առաջին թերթի փորձին²։

էն լրբի մասին եք հարցնում⁸։ Երեկվանից դեսը գործը փոխվեց.․․

Այնուամենայնիվ էսօր քննիչը պաշտոնապես գրեց, որ գործն էնպես չի եղել, ինձ կոչնագիր չի ղրկած և էնպես բաներ չի ասել—ուղարկեց «Մշակում» տպելու⁴։

Ձեր Հ. Թումանյան

189. ԱՎԵՏԻՍ ԱՀԱՐՈՆՅԱՆԻՆ

31 մարտի, 1914, Թիֆլիս

Թիֆլիս—Լոզան Ավետիս ջան,

Անշուշտ ինձնից նեղացած կլինես, որ էսքան ժամանակ նամակ չեմ գրում։ Բայց եթե իմ բնավորությունը գիտես, գիտես, որ էս չորս թե հինգ տարի է Մուշեղը Պետերբուրգ է ու մի նամակ եմ գրել մինչև օրս — չես նեղանալ¹։ Վերջապես էն էլ պետք է ասեմ, որ թեև դուրսը չըրթփըրթում եմ, բայց վաղուց է, որ ներսից շատ է սիրտս կոտրած, շատ եմ հոգնած ու շատ եմ զզված մեր կյանքից և մեր աշխարհքից։ Դու