Այս էջը հաստատված է
Չեմ իմանում ի՞նչ տասը հազար է, խնդրեմ մի տեղեկություն տաք։
Արդյոք էն մեր ստանալիքի հաշվի՞ցն է, թե էդ էլ ուրիշ բան Է։
Հարգանքով՝
Հովհ. Թումանյան
<1918>, նոյեմբերի 3, Թիֆլիս
Իմ թանկագին բարեկամ, սիրելի տեր Գյուտ,
Մեծ կսկիծով կարդացի էսօր լրագրում քեզ և քո ընտանիքին հասած ծանր դժբախտության մասին։ Հիրավի, չափագանց մեծ եղավ քո բաժին վիշտը էս աշխարհքում։ Հավատում եմ, որ քեզ հատուկ ողջամտությամբ պիտի տանես և էս վերջին հարվածը ու հայրորեն ամոքես ընտանիքիդ տառապանքը։
Հիվանդությունից ուժասպառ եղած՝ անկարող եմ տանից դուրս գալու։ Խորասիրտ վշտակցում եմ քեզ և քո լավ ընտանիքին։
Միշտ բարեկամդ՝
Հովհ. Թումանյան
Արժանապատիվ Գյուտ ավագ քահանա Աղանյանին։
294. ՄԱՄԻԿՈՆ ԳԵՎՈՐԳՅԱՆԻՆ
<1918, նոյեմբերի 11, Թիֆլիս>
Ես դեռ տանից դուրս չեմ գալիս։
Մի հոդված եմ ուղարկում քեզ, քո հրաշալի թարգմանությամբ զետեղելու։ Ոչ ոքի ցույց մի տալ (իհարկե, խմբագրի մասին չի խոսքս)։
