Էջ:Թումանյանի ԵԼԺ հ10.djvu/336

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


322. ՀԱՅ ԳՐՈՂՆԵՐԻ ԸՆԿԵՐՈՒԹՅԱՆ ՎԱՐՉՈԻԹՅԱՆԸ

Հայ գրողների ընկերության հարգելի վարչությանը

վարչության նախագահից

1919, Հույսի 20, Թիֆլիս

Երեկվա՝ վարչության և հրավիրված գրողների խորհրդակցական նիստը կառավարական մի հարյուր հազար ռուբբլի նպաստի վերաբերությամբ1 որոշ սկզբունքներ ընդունելու և ցուցակ կազմելուց հետո՝ խնդրի վերջնական որոշումը թողեց վարչության էսօրվան նիստին։

Եվ ահա վարչության ուշադրությանն եմ առաջարկում հետևյալ խնդիրները։

Առաջինը. ինչպես և երեկ էի պնդում, հիշյալ սկզբունքները, դիմումներն ու նպաստավորների ցուցակը հեռագրել կառավարության և առնել նրա սանկցիան, քանի որ որոշողներն են մեծ մասամբ ստացողները։ Հեռագրում բացատրել դրությունը և խնդրել կառավարությանը՝ անմիջապես պատասխանել։

Երկրորդը. վերանայեք Ահարոնյանի խնդիրը, և

Երրորդը, իմ դրությունը միանգամայն տարբերվում է իմ ընկեր գրողների դրությունից էն հանգամանքով, որ ես գրողների ընկերության նախագահն եմ, ինձ են դիմում ամենքը, և ես պարտավոր եմ հոգալու նախ և առաջ ուրիշների կարիքները։ Դրա համար էլ ես առայժմ հրաժարվում եմ ինձ հատկացրած տասը հազար ռուբլի գումարից, խնդրում եմ էն էլ բաժանել ուրիշ կարիքավոր գրողների, և իմ խնդիրն էլ հետաձգել երկրորդ նվագին ստացողների խնդրի հետ։

Նախագահ՝ Հովհ․ Թումանյան