Էջ:Թումանյանի ԵԼԺ հ5.djvu/490

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


թնդաց[1] զինվորական մուզիկայի ձայնը[2]։ Միշկեն իսկույն[3] կանգ առավ, ականջները խլըշացրեց, ապա փռնչաց[4], բաշը թափահարեց և վիզը սիգապանծ կեռացնելով սկսեց ծառս-ծառս լինել ու ոստոստալ։

Նա մեկ առաջ էր թռչում, մեկ էլ տեղը կանգնած պարում․ տակառը թխկթխկալով, գրգռալով այս ու այն կողմ էր ընկնում[5], քիչ էր մնում շուռ գար— փշրվեր[6], կամ ուզում էր պատերին դիպչեր, հազար կտոր լիներ։ Խեղճ ջրկիր Մարտիրոսը վախեցած վրա վազեց, ձիու նոխտեն բռնեց[7]։

Միշկեն փռռացնում էր[8], թռչում, ոստոստում[9]․․․ անցած ռազմական փառավոր օրերի ու խաղերի հիշողությունները զարթնել էին նրա մեջ։ Նա[10] հիշում էր․․․ շատ բաներ։ Հիշում էր, թե ինչպես յուր[11] տիրոջ տա կին թռչում էր Կարսի պարիսպների առաջ բանակների[12] աղմուկի[13] ծուխի ու կրակի մեջ[14]․․․Հանկարծ կողքերում նա զգաց շպորների (կոշկախթանների) զրնգոցն ու խթանը, լսեց[15] սանձարձակ բանակի ձիանց տրոփյունը, ծառս եղավ և ուզում էր թռչել[16] օդի մեջ․․․

Ջրկիր Մարտիրոսը նրա վզից կախ ընկած՝ աշխատում էր զսպել կատաղած երիվարին[17]։ Ձեռքի մտրակով զարկում էր անդադար ու հայհոյում. «Ի՞նչ ես գժվել, ա՛ թարս անտեր, քու ծախողի հերը գյոռբեգյոռ ըլի․․․ թփըռշ— հե՜յ, սատկե՜ս դու, սատկե՜ս․․․ ա՛ թարս անտեր»։

[18]Մուզիկայի[19] ձայնը բարակեց— զորքը հեռացավ։ Միշկեն[20] սկսեց հանդարտվել[21], ոտները[22] բարձր ու ցածր անելով տակտով դոփում էր գետինը[23], գլուխը թափահարում, կրծում

  1. [պատերազ<մական>]
  2. [Մոտակա փողոցով զորք էր անցնում։]
  3. [հանկարծ]
  4. փռնչաց[րեց]
  5. [ետ ու առաջ էր ընկնում, մեկ]
  6. [մեկ էլ]
  7. [բարկացած, դահ, դահ [սատկած] գոռալով [վազեց ձիու սանձը բռնեց, բայց ոչինչ չէր․ մտրակում էր թարսված անասունին։] ոչ մի կերպ չեր կարողանում [զսպել] քշել]
  8. [պարում]
  9. [նրա մեջ զարթնել էին յուր անցկացրած փառավոր օրերն ու խաղերը]
  10. [վերջապես նա]
  11. [երիտասարդ]
  12. [ու գնդերի]
  13. թնդյունի
  14. [Հանկարծ նա զգաց յուր]
  15. [անթիվ]
  16. և ուզեց թռչել
  17. [բայց չէր կարողանում]
  18. [Այդ երկար տևեց, մինչև հեռացել էր]
  19. [հեռացավ] [երկար տևեց]
  20. [հետզհետե հանդարտվեց]
  21. [այժմ]
  22. [տակտով գետին էր դոփում այժմ]
  23. [և]