Ջալալօղլի-Թիֆլիս
Հարգելի պ. Արասխանյան,
Ես մինչև օրս մեր գյուղոմն էր։ Մայրս սաստիկ հիվանդ էր, գնացել էի տեսնելու։ Այնտեղից վերադարձա և ստացա նամակ պ. Վանցյանից1, որ ուղարկելով նամակիս հետի թերթը, խնդրում է ուշադրություն դարձնել «Մուրճում» տպագրելի յուր «Բոշաներ» հոդվածի մեջ եղած օտարազգի բառերի ճշտության վերա2։ Այս թերթը պարունակում է նույն բառերը պարզ և մեկին գրած, որ Դուք աչքի առաջ ունենաք տպագրության ժամանակ, եթե կպատահեն դժվար ընթեռնելի օտարազգի բառեր։
Այստեղի մի քանի գյուղերում խոլերան ճարակում է։ Ցուրտ է։
Խնդրեմ բարևեցեք տիկնոջը և Բարխուդարյաններին3։
45.ԱՐՍԵՆ ՂԼՏՃՅԱՆԻՆ
Թիֆլիս–Էջմիածին
Սիրելիդ իմ Սիմեոն,
Ուրեմն՝ հոգով ու մարմնով կորար, այսպես է ասում ժողովրդական առածը կուսակրոն հոգևորականի համար։
Սակայն, սիրելի ընկեր, հայոց կուսակրոն հոգևորականությունը այս օրերում ծանր գործ ունի կատարելու. մեր ներկա վիճակի բարվոքման և ապագայի ապահովության խնդիրը դրած է նորա առաջին, դու էլ մտնելով այդ դասակարգի մեջ, պատասխանատու հոգատարի պարտականություններ
