1 9 0 0
124. ԹԻՖԼԻՍԻ ՀԱՅՈՑ ԲԱՐԵԳՈՐԾԱԿԱՆ ԸՆԿԵՐՈՒԹՅԱՆ
ՎԱՐՉՈՒԹՅԱՆԸ
Թիֆլիսի հայոց բարեգործական ընկերության
հարգելի վարչությանը
Զ ե կ ու ց ու մ ն
Վարչությանդ մեզ արած հանձնարարությունը կատարելով՝ աչքի անցկացրինք ընկերության գրադարանը և եկանք այն եզրակացության, որ գրքերը կարելի է վերածել երեք կարգի, և բաժանել այսպես. 1. Հայոց և օտարազգի ընթացիկ գրականությունը և պ. Տ. Նազարյանի նվիրած գրքերը վաճառել։ 2. Ամեն տեսակ ձեռնարկներ, գիտական և հազվագյուտ գրքեր նվիրել Ներսիսյան դպրոցին կամ մի այլ ազգային հաստատության։ 3. Կովկասագիտության, արևելագիտության, հայոց ազգային և եկեղեցական պատմության վերաբերյալ գրքերը, հայոց պարբերական հրատարակություններր, Անդրկովկասում ամեն լեզվով եղած պարբերական հրատարակությունները և ամեն տեսակ բառարանները պահել հիմնական բաժնում՝ այն պայմանով, որ վարչությունը, երբ ինքը հարմար կդատի, խնդրամատույց լինի՝ ունենալու անշարժ գրադարան գիտնականների համար:
11 հունվարի, 1900 ամի, Թիֆլիս
