Էջ:Ինչ է, ով է (What is, Who is) 1.djvu/91

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


օդի համար, չէ որ նա օգտվում է այդ ամենից։ Անտառը նաև մարդկանց է նվիրում իր գեղեցկությունը։ Ե՛կ, հիացիր, որքան ուզում ես, անտառը քեզ չի վտարի։

Ընդարձակ է Սովետական Միությունը, և անտառներն էլ այնտեղ տարբեր են։ Հյուսիսում տարածվում է փշատերև անտառների լայն շերտը։ Այնտեղ աճում են եղևնի եղևին, խեժափիճի, մայրի։ Հետո գալիս է խառն անտառների շերտը, ուր սոճու և եղևնու կողքին աճում են կեչին, կաղամախին, լաստենին։ Ավելի հարավ այդ թվում նաև մեր հանրապետությունում ձգվում են կաղնու, թխկու, լորենու, հացենու սաղարթավոր անտառները։

Անապատներում աճում են սաքսաուլի անտառներ։ Սաքսաուլը ծառ է, որի տերևները բարակ ճյուղերի են նման և քիչ խոնավություն են գոլորշիացնում։ Ամենահարավի՝ Միջին Ասիայի լեռների անտառները կարելի է այգիներ անվանել, այնտեղ աճում են ընկուզենի, հոնի, վայրի խնձորենի, տանձենի։

Հարուստ ու գեղեցիկ է անտառը։ Դրա համար ամեն մի ծառ, թուփ ու խոտ պետք է պահպանել, և հատկապես՝ կրակից։ Անտառի պահպանությունը մեր երկրում բնության պահպանության համար տարվող մեծ աշխատանքի կարևոր մասն է։

Կարդացեք այս գրքերը.

Գաբրիելյան Ռ. Բ. Տերմիտների կյանքը, Ե., Հայաստան, 1969

Смирнов А. В., Лес, М., «Дет лит», 1973


Անտառապետ

Երբեմն կարծում են, թե անտառապահն ու անտառապետը միևնույն բանն են։ Սակայն դրանք միանգամայն տարբեր մասնագիտություններ են։ Անտառապահ անվանում են անտառի պահակին, նա պաշտպանում է անտառը։ Իսկ անտառապետը գիտնական անտառագետն է։

Անտառը հսկայական հարստություն է։ Այն մեզ տալիս է քիմիական և թղթի արդյունաբերության հումք շինափայտ և վառելափայտ, սնկեր և հատապտուղներ։ Ինչպես օգտագործել և միաժամանակ պահպանել անտառներն ապագա սերունդների համար։

Ա՛յ, հենց դրանով էլ զբաղվում է անտառապետը։

Սովետական Միության ամբողջ անտառային տարածությունը բաժանված է փայտամթերման և փայտի նախնական մշակման կոմբինատների: Դրանցից յուրաքանչյուրի մեջ մտնում են մի քանի անտառապետություններ:

Անտառապետությունը տնօրինում է 5-ից մինչև 10 հզ հեկտար անտառ։ Յուրաքանչյուր անտառապետություն վարում է անտառապետը։

Անտառապետությունը մեծ և բարդ տնտեսություն է, որն իր աշխատանքում օգտագործում է տրակտորներ, ծառատնկիչ մեքենաներ, տարբեր մեխանիզմներ։

Անտառապետի գլխավոր հոգսը անտառի պահպանությունն է։ Իսկ դա նշանակում է պահպանել այն հրդեհից, վնասատու միջատներից, ապօրինի անտառահատումներից։

Անտառապետն է որոշում անտառահատման համար անհրաժեշտ հատվածները։ Անտառի հատված մասերում նորից տնկիներ են տնկում։ Նոր անտառի հիմնումը նույնպես ղեկավարում է անտառապետը։

Երիտասարդ անտառի մեկ հեկտարի վրա աճում է մի քանի հազար ծառ։ Բայց չէ որ ծառերն աճելով փարթամանում են և սկսում նեղել իրար։ Եթե դրանց մի մասը ճիշտ ժամանակին չհատվի ապա շատ ծառեր կչորանան, կտապալվեն և կփտեն, աղբոտելով անտառը։ Իսկ հատվելու դեպքում դրանք կտան լրացուցիչ անտառանյութ։ Անտառի նոսրացմամբ ևս զբաղվում է անտառապետը։

Անտառապետն իր անտառապետությունում վարում է նաև սնկերի և հատապտուղների արդյունաբերական բերքահավաքը։ Իսկ նրա տնտեսության մթերած խոտը օգտագործում են հարևան կոլտնտեսությունները իբրև կեր։

Սովետական Միությունում գործում են դպրոցական շատ անտառապետություններ։ Երեխաներն անտառապետի գլխավորությամբ ուսումնասիրում են անտառը, ակտիվորեն մասնակցում ծառատնկման և պահպանման աշխատանքներին։


Անտարկտիդա

Անտարկտիդան մեր մոլորակի վեց մայր ցամաքներից մեկն է։ Գտնվում է երկրագնդի ծայր հարավում և ամբողջովին սառցապատ է։ Անտարկտիդան և նրա շուրջը