Էջ:Ինչ է, ով է (What is, Who is) vol. 4.djvu/346

Վիքիդարանից՝ ազատ գրադարանից
Jump to navigation Jump to search
Այս էջը սրբագրված չէ


երկրորդ օդաչուն, բորտինժիները, շտուրմանը: Օդաչուները ղեկավարում են ինքնաթիռը, բորտինժիները հետևում է էլեկտրական սարքերի ու ռադիոսարքերի, էլեկտրոնային ավտոմատ համակարգերի աշխատանքին, շտուրմանը՝ թռիչքի ուղղությանը: Միջազգային երթուղիների օդաչուները պետք է սահուն խոսեն օտար լեզվով: Չէ՞ որ օդում թարգմանչի միջոցով խոսելու համար երբեմն ժամանակ չի լինում:

Ժամանակակից ինքնաթիռ կառավարել կարողանալու համար անհրաժեշտ է ավարտել ադաչուական ուսումնարան կամ ռազմական ակադեմիա: Իսկ տիեզերագնաց–օդաչուներն անցնում են հատուկ նախապատրաստություն, որն անհրաժեշտ է Տիեզերք թռչելու համար: Ուստի ապագա օդաչուները դեռևս դպրոցում պետք է կոփեն իրենց կամքը, ամրապնդեն առողջությունն ու անպայման լավ սովորեն:

Օդապարուկ

Գրելաթղթի կրկնակի թերթին սոսնձեք մոտ 8 մմ լայնությամբ և 3–4 մմ հաստությամբ երեք ուղիղ ու հարթ փայտաձողեր այնպես, ինչպես ցույց է տրված նկարում. նախ՝ կարճ փայտաձողը, ապա՝ խաչաձև՝ երկարները: Փայտաձողերն ամուր սեղմեք թղթին, օդապարուկը շրջեք հակառակ կողմը և փայտաձողերի երկայնքով հարթեք թուղթը: Փայտաձողերի ծայրերը 15–20 մմ–ով պետք է դուրս մնալ թղթի եզրերից այնպես, որ օդապարուկի վերին մասում ցցված լինեն «եղջյուրները»՝ հատվող ծայրերը, իսկ ստորին մասում՝ «ոտիկները»: Սրանց վրա քարթեր արեք ու դրանցից թելի օղակներ կապեք:

Երբ սոսինձը չորանա, «եղջյուրներին» սանձ կապեք: Նրա կենտրոնը պետք է 3 սմ–ով ցած կախվի երկար ձողիկների խաչաձևման տեղը ամուր փաթաթեք թելով: