2. Մինչև ընտրական քառանդամ սիստեմով ազգային ներկայացուցչություն հրավիրելը խորհուրդը ունենում է իր պարբերական գումարումները և լուծում է սկզբունքային ու առանձին գործնական կարևորություն ունեցող ժողովրդական խնդիրներ:
3. Ազգային ժողովը կազմված է համախորհրդակցության մեջ ի հայտ բերված հասարակական խմբակցությունների թվական փոխհարաբերության հիման վրա և, բացի այդ, հրավիրվում են ժողովին հասարակական մի քանի խմբակցությունների ներկայացուցիչները համախորհրդակցության որոշմւսմբ:
4. Համագումարի մեջ հարցերը լուծվում են հասարակական խմբակցությունների փոխադարձ համաձայնությամբ:
5. Համախորհրդակցության մեջ ընտրված ռուսահայ խորհուրդը գերագույն գործադիր օրգան է ռուսահայ ժողովրդի և նա է, որ ամբողջ ժողովրդի անունից վարում է ռուսահայ քաղաքականությունը թե մեր ժողովրդի և թե ամբողջ պետության մեջ:
6. Ռուսահայ խորհուրդը իրականացնում է այն որոշումները, որն արել է Հայոց ազգային համախորհրդ՞ակցությունը:
7. Խորհուրդը վարում է ժողովրդական մյուս ընթացիկ խնդիրները, եթե միայն սրանք առանձնապես սկզբունքային բնույթ և գործնական կարևորություն չունեն:
8. Այս վերջին խնդիրները նախապես քննության են ենթարկվում ռուսահայ ազգային ժողովի մեջ և խորհուրդը իրականացնում է սրա որոշումները:
9. Խորհուրդն իր որոշումները սկզբունքային հարցերի մասին կայացնում է նույնպես ոչ թե պարզ քվեարկությամբ, այլ իր անդամների փոխադարձ համաձայնությամբ:
10. Ազգային համախորհրդակցության, ազգային ժողովի և ռուսահայ խորհրդի փոխհարաբերությունների և լիազորությունների ստույգ և մանրամասն մշակումը հանձնել խորհրդին, իսկ հաստատումը ազգային ժողովին:
Վարձատրության հարցը:
Խորհրդի ամենից կարևոր պարտականություններից մեկն է շուտափույտ կերպով ազգային համագումար հրավիրելը քառանդամ սիստեմով:
Նույն գործը, թ.48 և հակ.:
ՀԱՎԵԼՎԱԾ
ա. ԸՆՏՐՈՒԹՅՈՒՆՆԵՐԻ ԿԱՆՈՆՆԵՐԸ: ԸՆՏՐԱԿԱՆ
ՇՐՋԱՆՆԵՐԻ ՈՒ ՊԱՏԳԱՄԱՎՈՐՆԵՐԻ ՑՈՒՑԱԿՆԵՐ:
ԿԱՆՈՆԱԴՐՈՒԹՅԱՆ ՆԱԽԱԳԻԾ: ՍԵԿՑԻԱՆԵՐԸ
N 26
Ռուսահայոց համախորհրդակցության պատգամավորների
ընտրությունների կանոնները և ընտրական շրջանների
ու պատգամավորների ցուցակը
1. Յուրաքանչյուր ռուսահայ 20 տարին լրացած առանց սեռի և դավանության խտրության, իրավունք ունի մասնակցելու պատգամավորնեի