4. Որ մենավաճառությունը իբրև սկզբունք ապրուստի ամենակարևոր առարկաների վերաբերմամբ, կանոնավոր հսկողության հետ, պետք է մտցվի կյանքի մեջ ամենուրեք և ամենալայն չափով և
5. Որ Անդրկովկասի զորքի և ազգաբնակության պարենավորման հոգսը պետք է կազմի կառավարության առանձին ուշադրության առարկա, որոշեց
I. Տարածել մենավաճառության օրենքը 30 մարտի 1917թ. Անդրկովկասի վրա:
II. Անդրկովկասի ազգաբնակության կարիքին համապատասխան չափով հացահատիկ պահանջել հյուս[իսային] Կովկասից
III. Արտահանության և ներածության համար կանոնավորվե Վլադիկավկազի և Անդրկովկասի ճանապարհները, ներքին հարաբերությունները և օգտվել ծովային երկու ճանապարհից Սև ծով-Նովորոսիյսկից և Կասպիական ծովից Պետրովսկի մինչև Բագու և Եվլախ:
IV. Արտահանությունը արագացնելու համար հացահատիկի նախապատվություն տալ, Ռուսաստանից եկող մյուս ապրանքներից:
V. Հացահատիկը կանոնավոր բաժանելու և եղած բողոքներին շուտափույթ բավարարություն տալու համար նշանակել կոմիսար-վերահսկիչ, պարենավորման մարմիններից անկախ:
VI. Առաջարկել կառավարության հնարավորություն ստեղծելու Պարսկաստանից ևս հացհատիկ բերելու Ռուսաստանի և Անդրկովկասի տարբեր ապրանքների փոխանակությամբ:
VII. Առաջարկել կառավարության Անդրկովկասի ազգաբնակության տալու շաքարի և թեյի բավարարությունը, որը մեծամասնության համար կփոխարինե տաք կերակրին:
VIII. Միջոցներ ձեռք առնել հերկելու մեծ տարածության հողեր և դրա համար կառավարությունից պահանջել այժմյանից ապահովել ժողովուրդը անհրաժեշտ սերմացուով, իսկ աշխատանքի ժամանակ հայ զինվորների մի մաս, գլխավոր[ապես] թիկունքից, որոշ ժամանակով գյուղեր վերադարձնել աշխատանքներ կատարելու:
IX. Միջոցներ ձեռք առնել գյուղացիներին համոզելու և հասկացնելու, որ նրանք էլ խնայողաբար գործածել հացը, յուրաքանչյուր շնչին ոչ ավել մեկ ֆունտից օրական:
X. ժողովրդյան հագուստեղեն մատակարարելու համար հիմնել և տարածել ջուլհականոցներ կոոպերատիվների, հասարակական հաստատությունների և գյուղական համայնքների նախաձեռնությամբ, որի համար կառավարությունից խնդրել 1.000.000ռ.:
XI. Գյուղատնտեսական գործիքները պատրաստելու և հները նորոգելու համար հիմնել տեղական արհեստանոցներ և խնդրել 500.000ռ.:
XII. ճանաչել գաղթականական սննդական պահեստները համահավասար նահանգական պահեստներին և ազատ րեկվիզիցիայից:
Գ.17, թ.10-11:
N 25
Որոշում Ռուսահայ Ազգային ժողով ու Ազգային խորհուրդ ստեղծելու և դրանց
կանոնադրությունը ընդունելու մասին
1. Ռուսահայ ազգային ժողովը գերագույն ներկայացուցչական օրգան է ռուսահայ ժողովրդի:
