Բ. Համագումարի պատգամավորության ընտրություններին մասնակցելու իրավունք ունեն առանց սեռի խտրության բոլոր այն արևմտահայերը, որոնք 18 տարեկանից բարձր են:
Գ. Յուրաքանչյուր 3000 շունչ արևմտահայերը կընտրեն մեկ պատգամավոր:
Դ. Արևմտահայ Երկրորդ Համագումարի պատգամավորական ընտրությունները կկատարվեն հետևյալ ընտրական շրջանակների մեջ.
1. Երևան քաղաք և արվարձաններ | 15500 անձ 5 պատգ. |
2. էջմիածին - Սարդարապատ | 6800 ..2.. |
3. Աշտարակ - Ապարան Շորագյալ Եղվարդ | 15885 ..5.. |
4. Սուրմալու | 12000 ..4.. |
5. Ղրխ-Բուլաղ | 16698 ..5.. |
6. Ախտա | 14439 ..5.. |
7. Նոր-Բայազետ | 12000 ..4.. |
8. Միլլի-Դարա | 6000 ..2.. |
9. Սիսիան | 13000 ..4.. |
10.- Դարալագյազ | 2000 ..1.. |
11.- Բաշգառնի | 2500 ..1.. |
12.- Դիլիջան | 3519 ..1.. |
13.- Ղարաքլիսա | 3500 ..1.. |
14.- Ալեքսանդրոպոլ | 3000 ..1.. |
15.- Ղամարլու | 3000 ..1.. |
Տանոթ.- Վիճակագրական վերոհիշյալ թվերի հիմք են ծառայում Հայաստանի Հանրապետութ. 1918 թվի հոկտ.1-ի միօրյա վիճակագրությունը և կառավարական շրջանային լիազորներից ստացած տեղեկությունները:
Ե. Յուրաքանչյուր ընտրական շրջանակը կունենա իր ընտրական 5 անձից թաղկացած հանձնախումբը, որը կնշանակվի Արևմտահայ Երկրորդ Համագումարի կազմակերպիչ Կոմիտեի կողմից կամ կընտրվի նրա ներկայացուցչի նախաձեռնությամբ:
Ձ. Ընտրական շրջանային հանձնաժողովը կղեկավարի իր պատկանած շրջանի ընտրությունները, Համագումարի կազմակերպիչ Կոմիտեի հրահանգներով:
է. Արևմտահայ Երկրորդ Համագումարի ընտրությունները տեղի կունենան ընտրական երկաստիճան սիտեմով:
Ծանոթ.-Ա. Գյուղերի կամ ըստ հնարավորության գյուղախմբերի յուրաքանչյուր 300-500 շունչ արևմտահայությունը կընտրի իր շրջանային պատվիրակները, որոնք շրջանային պատվիրակների ժողովի մեջ կընտրեն համագումարի պատգամավորությունը համաձայն սույն կանոնադրության Գ. հոդվածի:
Բ. Յուրաքանչյուր գյուղը կամ թաղամասը, եթե 300 շունչը պակաս է, կմիանա մոտիկ շրջանի գյուղին կամ թաղամասին պատվիրակ ընտրելու համար:
Գ. Այն արևմտահայերը, որոնք զինվորական պարտականության մեջ են, իրենց տեղի վրա կմասնակցեն ընտրությանը
Ը. Արևմտահայ Երկրորդ Համագումարը տեղի կունենա 1919թ.Հունվարի 25-ին / ն.տ../ Երևան քաղաքի մեջ:
Ծանոթ.-Արևմտահայ Երկրորդ Համագումարին մասնակցող պատգամավորներին օրապահիկը պիտի հոգա Համագումարը հրավիրող Կազմակերպիչ Կոմիտեն: