ոտքի փաթաթանների, բամբակե բաճկոնների, անթևք զգեստների 500 կոմպլեկտ: Խնդրում եմ հեռագրեցեք, պե՞տք Են, արդյոք, զգեստի ինչ-որ առարկաներ:
Նույն գործը, թ.140:
N 53
Հեռագիր ատվի քաղաքից առանց ծնողների թույլտվության երկու հայ պատանիների մեկնումը կովկասյան ռազմաճակատ արգելելու մասին
Առանց ծնողների թույլտվության [կամավորական] ջոկատի մեջ մտնելու համար Թիֆլիս են մեկնել Արմեն Մարտիրոսովը և Իվան Մելիք-Մկրտչյանցը: Մինչև նրանց ծնողների հասնելը Թիֆլիս պատանիների ծնողների անունից խնդրում եմ ետ պահել նրանց:
Նույն գործը, թ.59:
N 54
Հեռագիր Մերվի քաղաքից հայ բուժքրոջը իր ցանկության համաձայն կամավորական խումբ ընդունելու մասին
Թիֆլիս, եպիսկոպոս Մեսրոպին,
Աշխեն Ղահրամանյանցը թախանձագին խնդրում է իրեն որպես գթության բուժքույր ընդունել մեր խմբում: Նրա կողմից խնդրում եմ նվազագույն հնարավորության դեպքում թույլատրել իրեն ճանապարհվելու: Հեռագրեցեք Միքայել Յուզբաշյանին: Վաղը մեկնում եմ Չարջոու:
Հեռագրի վրա կա նշում. «Չի թույլատրվում [ընդունել] գթության ոչ մի քույր: Եպիսկոպոս Մեսրոպ»:
Նույն գործը, թ.60:
N 55
Հեռագիր Անդիժանից պատերազմի կարիքների համար Կարմիր խաչի օգնություն կազմակերպելու մասին
Կազմակերպված է կամավորների և պատերազմի կարիքների օգնության Կարմիր խաչ: Սպասում են ղեկավար ցուցումների: Կարգադրեցեք:
Նույն գործը, թ.31:
