Այս էջը սրբագրված է
Համարեայ կէս դար առաջ բախտաւոր օր մը, երբ կը
գտնուէի Ֆրանսա որպէս այցելու իմանալով որ Նիսի մէջ ար-
դէն իր դռները լայն բացած էր Ռուբէն Սեւակի անունը կրող
թանգարանը, փութացի հասնիլ Նիս, գտնուելու եւ ուրախա-
նալու համար, որովհետեւ տուեալ թագարանին լոյսին գալը
պատասխան մըն էր օսմանցիներու սեւագոյն գործին՝ հայոց
ցեղասպանութեան։
Այդ օրերուն բարեդէպ նորութիւն էր նաեւ հայ հանրահռ-
չակ գեղանկարիչ Գառգուին Նիս գտնուիլը, որուն միանալով
ժամադրութեամբ մը թանգարանի հիմնադիր Յովհաննէս Չի-
լինկիրեանին հետ ուրախութեամբ եւ երկիւղածութեամբ
մտանք այս հրաշք թանգարանէն ներս։
Մեր ուրախանալը քիչ էր թանգարանի բուն պարունակու-
թեան համար՝ երբ հոն գտանք նաեւ երկուհարիւրէ աւելի գե-
ղանկարներ, նուիրուած մարտիրոսացած բանաստեղծի յի–
շատակին։
Կանգ առինք հայոց մեծագոյն ծովանկարիչ Յովհաննէս
Այվազովսկիի մէկ լայնշի պաստառին առջեւ, ուր նկարուե-
ցանք ներկաներու հետ։
Այսօր 2016 թ.–ի Ապրիլի 4-ին, մեր այդ այցելութիւնը վե-
րանկարագրել ճշգրտութեամբ դիւրին գործ մը չէ։ Կարծէք
յուշին տարապայման ջերմութիւնը դողերոցքով մը կը փշա-
քաղէ մեր մարմինը։
Բայց նոյն այդ յուշէն աւելի՝ մեզ կրկնակի, եռակիօրէն կու՛-
րախացնե այն իրողութիւնը, որ Յովհաննես Չիլինկիրեանը,
նահատակ բանաստեղծի եղբօրորդին, նոյն Նիսի թանգարա-
նի ողջ պարունակութիւնը սիրայօժար կերպով ուզած է նուի-
րել Հայաստանին ի սուրբ էջմիածին՝ յուրախութիւն Ամենայն
Հայոց Կաթողիկոս Գարեգին երկրորդի, որ մեծ սիրով ընդու-
նած է Յովհաննէս Չիլինկիրեանի առաջարկը՝ որպէսզի Նիսի
3
