քանի շարք, ապա շագանակագույն թելի հատվածով՝ 1 շարք։ Դեպի վերին ռելս են դուրս քաշում 109 ասեղ և ձախից աջ աշխատանքային դիրքի վերադարձնում 11 անգամ 2-ական, 3 անգամ 3-ական, 5 անգամ 15-ական ասեղներ։ Բոլոր ասեղներն աջից աշխատանքային դիրքի բերելով, առանց փոփոխության, շարունակում են աջ եզրի հյուսումը, իսկ ձախ կողմից շարունակում 1-ական ասեղ դեպի վերին ռելս դուրս քաշել։ Երբ աջ կողմում հյուսված է 77 շարք թևքի մեջտեղի գծի ուղղությամբ, աջից հանում են 121 հատ և թեքվածքի 78 որորահատ՝ առանձին-առանձին մի քանի շարք հյուսելով։
IV մաս։ Մեքենայի աջ մասում հավաքում են գործվածքի ձախ կեսի հատերը (սկսած կենտրոնական հատից) և IV մասը հյուսում III մասի հայելային արտացոլմամբ։
V մաս։ Մեքենայի կենտրոնում հավաքում են հյուսված թեքվածքների 157 ոլորահատը (78 + 1 կ + 78)։ Բոլոր ասեղները դեպի վերին ռելս են դուրս քաշում։ Կենտրոնական ասեղին ամրացնում են բաց դարչնագույն թելով հատը և այն անցկացնում լեզվակի տակ։ Կենտրոնական ասեղի վրա ստացվում է 2 հատ և 2 ոլորք, թելը բռնում են հարևան ձախ ասեղով, անցկացնում կենտրոնական ասեղի տակով, բռնում հարևան աջ ասեղով, տանում կենտրոնական ասեղի վրայով և ձեռքով հյուսում 1 շարք, ապա յուրաքանչյուր շարքում սայլակի հանդիպակաց կողմից աշխատանքային դիրքի են բերում 1-ական ասեղ։ Երբ առաջամասի հյուսման ավարտին մնում է 38 շարք՝ միաժամանակ ձևավորում են վզի կլոր բացվածքը։ Դրա համար դեպի վերին ռելս են դուրս քաշում ասեղների կեսը, ավելացնելով կենտրոնականը և 10 ասեղ, երկրորդ կեսից հյուսում են 1 շարք, աշխատանքային դիրքի վերադարձնում հերթական ասեղը (դեպի կողք), հյուսում 1 շարք և շարունակում հյուսումը՝ կենտրոնից դեպի վերին ռելս դուրս քաշելով ևս 1 անգամ 5, 2 անգամ 2-ական, 4 անգամ 1-ական ասեղ, հետագայում վզի ուղղությամբ պակասեցնում են 3 շարքը մեկ 2 անգամ 1-ական հատ։ Վզի վերջին 10 շարքը հյուսում են առանց փոփոխության, իսկ դեպի կողք ամեն անգամ աշխատանքային դիրքի են վերադարձնում 1-ական ասեղ, մինչև որ մնա 1 ասեղ։ Առաջամասի երկրորդ կեսը հյուսում են հայելային արտացոլմամբ։ Վզի ուղղությամբ աշխատանքային դիրքի են վերադարձնում 51 ասեղ, մնացած ասեղները դեպի վերին ռելս են դուրս քաշում, հյուսում են 1 շարք բաց դարչնագույն թելով, 20 շարք օժանդակ թելով և 1 շարք կրկին բաց դարչնագույն թելով։ Բոլոր ասեղները վերին ռելսի մոտ են։ Սկսում են թիկնամասի հյուսումը։
VI մաս։ Օրինակ, սայլակն աջ կողմում է։ Հյուսումը շարունակում են բաց դարչնագույն թելով։ Աջից աշխատանքային դիրքի են վերադարձնում 52 ասեղ, վերին ռելսի մոտ թողնելով եզրային ասեղը, դեպի կենտրոն հյուսում 1 շարք։ Թելը գցում են կենտրոնից աջ 25-րդ ասեղին։ Աջից դեպի վերին ռելս են դուրս քաշում 1 ասեղ, հյուսում 1 շարք։ Շարունակում են հյուսումը թիկնամասի վզի ուղղությամբ դեպի ձախ՝ աշխատանքային դիրքի վերադարձնելով 4 անգամ 3-ական ասեղ, իսկ աջից դեպի վերին ռելս դուրս քաշելով 1-ական ասեղ։
Բոլոր ասեղները վերին ռելս են դուրս քաշված։ Սայլակը տեղակայում են ձախ կողմում և հայելային պատկերման եղանակով հյուսում թիկնամասի երկրորդ կեսը։ Աջ կողմի ասեղները վերադարձնում են աշխատանքային դիրքի և շարունակում անկյան հյուսումը՝ երկու կողմից 1-ական ասեղ դեպի վերին ռելս դուրս քաշելով, մինչև որ կենտրոնում մնա 1 ասեղ։ Թելը կտրելուց առաջ հետևում են, որ այն գցված լինի 2 հարևան դուրս քաշված ասեղներին։ Թելի ծայրը թողնում են այնքան, որ հնարավոր լինի այն ամրացնել սկավառակին։ Հանում են բոլոր հատերը, օժանդակ թելով հյուսում մի քանի շարք։ Մեքենայի ձախ մասում թևքի մեջտեղի գծով հավաքում են 121 հատ, իսկ աջ կողմում, անկյան թեքության ուղղությամբ՝ 77 ոլորահատ, ավելացնում կենտրոնական հատը։ Աշխատանքային դիրքում թողնում են ձախից 121 ասեղ, մնացած ասեղները դեպի վերին ռելս դուրս քաշում։
VII մասը հյուսում են մուգ շագանակագույն թելով, IV մասի հակառակ կարգով։ Երբ թելն անցկացվում է կենտրոնական ասեղին, սկսում են VIII մասի հյուսումը, որը, II մասի համեմատ, հյուսվում է հակառակ կարգով։ Հյուսումն ավարտում են օժանդակ թելով՝ առանձին ձախակողմյան 25 և աջակողմյան 52 ասեղներով։ Մեքենայի աջ մասում, աջ թևքի մեջտեղի գծի ուղղությամբ, հավաքում են 121 հատ, կողքից ձախից անկյան թեքության գծով, հավաքում 77 ոլորահատ, ավելացնում կենտրոնական հատը։ IX մասը հյուսում են շագանակագույն թելով, III մասի հակառակ կարգով։
Հատերը հանում են և անցկացնում աջ եզրի ասեղներին, կողքից ձախից, հավաքում մնացած 52 ոլորահատերը։ X մասը հյուսում են, I մասի համեմատությամբ, հակառակ կարգով։ Հյուսումն ավարտում են օժանդակ թելով։ Գործվածքը խոնավ շորով արդուկում են հակառակ երեսից (չկպչելով եզրերին)։
Թեզանիքներ հյուսելիս աշխատանքային դիրքի են բերում 56-ական ասեղ, և, գործվածքը շրջելով հակառակ երեսով դեպի հյուսողը, դրանց վրա անցկացնում թևքերի ներքևի եզրերի միջհանգուցային հատերը։ Հատերը «կերցնելու» համար մեջտեղի 21-22 ասեղներին անցկացնում են 2-ական հատ։ 4 տակ շագանակագույն թելով հյուսում են 40-ական շարք (հնարավորին չափ խիտ)։ Արձակում են յուրաքանչյուր երրորդ հատը սկսած եզրային երրորդ հատից։ Փակում են հատերը։
Գոտու երկու մասերից յուրաքանչյուրի համար աշխատանքային դիրքի են բերում 152-ական ասեղ, և, գործվածքը հակառակ երեսով դեպի հյուսողը շրջելով, բռնում ներքևի եզրերի բաց հատերը (զգալի «կերցնելով»)։ Հյուսում և մշակում են այնպես, ինչպես թեզանիքները։
Կանգուն օձիքը հյուսում են առանձին՝ բաց դարչնագույն թելով։ 4 տակ թելով հավաքում են 138 հատ։ Հյուսում են 40 շարք 2x1 երիզահյուսքով, ծալվածք անում, ասեղներին անցկացնելով սկզբնաշարքի հատերը (եզրի երկու ասեղների վրա ծալվածք չանել, որպեսզի եզրերը գեղեցիկ միացվեն)։ Հյուսում են ևս 4 շարք և հյուսումն ավարտում օժանդակ թելով։
Միացնում են ջեմպերի կողքի կարերը. բաց հատերը հորիզոնական տրիկոտաժային կարով, եզրահատերը ուղղաձիգ կարով։ Կանգուն օձիքի փակ հատերով եզրը եզրակարով միացնում են վզի բացվածքի եզրի հատերին, իսկ բաց հատերով եզրը՝ հատակցումով ամրացնում ջեմպերի շիտակ երեսից։
