վերջին շարքը (բարակ թելով) չեն հյուսում, որպեսզի հնարավոր լինի կողքի բաց հատերը միացնել հորիզոնական տրիկոտաժային կարով։
Կրծքի հորիզոնական սեղմոնի փոխարեն մի կեսի ներքևի եզրը պետք է երկարացնել մի կողմի կողքի հատերն ավելացնելով և մյուս կողմից մինչև կողքի գիծը հատերը պակասեցնելով։
Ջեմպերի ներքևի եզրը ձևավորելու համար աշխատանքային դիրքի են բերում 114 ասեղ և հյուսքի հակառակ երեսի կողմից այդ ասեղներին «կերցնելով» անցկացնում մի կեսի կողքի հատերը (ինչպես կիսաշրջազգեստի վերին մասի հատերը)։ Կարաբաժնի համար ավելացնում են 1-ական ասեղ, հյուսում 45 շարք, ծալվածք անում, բռնում առաջին շարքի հատերը։ Հատակցման համար հյուսում են 4 շարք և հյուսումն ավարտում օժանդակ թելով։ Ձևավորում են երկրորդ կեսի ներքևի եզրը։
Փոքրիկ թևքերի հյուսման համար օժանդակ թելով հավաքում են 4 հատ, հյուսում 7 շարք, այնուհետև 4 շարք հյուսում հիմնական թելով։ Բոլոր ասեղները դեպի վերին ռելս են դուրս քաշում, դեպի ձախ աշխատանքային դիրքի վերադարձնում 1 անգամ 2, 2 անգամ 1-ական ասեղ։ Այնուհետև ձախ եզրից 6 շարքը մեկ 14 անգամ 1-ական հատ են ավելացնում, իսկ աջ կողմում 74 շարք հյուսում առանց փոփոխության։ 74-րդ շարքից հետո բոլոր ասեղները դեպի վերին ռելս են դուրս քաշում։ Աջ կողմում օժանդակ թելով հավաքում են 42 հատ, հյուսում մի քանի շարք։ Հատակցման համար հյուսում են 2 շարք։ Բոլոր ասեղները վերադարձնում են աշխատանքային դիրքի և շարունակում հյուսումն աջ կողմում ուղիղ, ձախ կողմում՝ ավելացնելով 1-ական հատ։ 86 շարք հյուսելուց հետո ձախ եզրից դեպի վերին ռելս են դուրս քաշում 5-ական ասեղ, այնուհետև հյուսումը կրկնում հայելային պատկերման եղանակով։ Վերջին 4 շարքի փոխարեն հյուսում են 3 շարք, հյուսումն ավարտում օժանդակ թելով՝ բաց հատերը հորիզոնական կարով միացնելու համար։ Թևքատեղի և թևքերի ներքևի եզրի կողքի հատերը միացնում են ուղղաձիգ կարով, իսկ կողքի մասերը՝ երկայնական և լայնական գործվածքի միացման եղանակով։ Ջեմպերի վերևի եզրը հակառակ երեսից եզրակարով միացնում են դրվագակտորի առաջին շարքին։ Զոլի բաց հատերը հատակցումով ամրացնում են շիտակ երեսին։ Վերևի եզրը թեթևակի «կերցնում են»։ Թևքերի եզրերը և վզի ուղղանկյունաձև բացվածքը շրջահյուսում են հելունով. 1 շարք 4 տակ թելով առանց հավելահատի սյունակներով, 1 շարք 4 տակ թելով դարձահյուսքով։
Ծալքավոր կիսաշրջազգեստ (նկ. 55)։ Չափսը՝ 50-54։ Բրդե թելի քանակը՝ 480 գ (№ 32/2, 4 տակ թել)։ Հատանմուշը. 1 սմ = 3 հատ, 1 սմ = 4,8 շարք։ Կիսաշրջազգեստը դեպի ներքև թեթևակի լայնացող է և հյուսվում է լայնական ուղղությամբ, 56 զոլերով հերթականությամբ. ուղիղ զոլն ուղղված է շիտակ երեսով, լայնացողը՝ հակառակ երեսով դեպի դուրս, այսինքն հյուսման ընթացքում յուրաքանչյուր զոլից հետո գործվածքը հանվում է մեքենայից և շրջվում մյուս երեսի վրա։ Կիսաշրջազգեստի ներքևի եզրը հյուսվում է հելունով։ Նախքան հաշվարկելը գոտկատեղի շրջագծի չափին ավելացնում են առնվազն 15 սմ։
Օժանդակ թելով հավաքում են 195 հատ, հյուսում մի քանի շարք և սկսում առաջին զոլի հյուսումը։ Գոտկատեղի գիծը ձախ կողմում է, ներքևի եզրը՝ աջ։ 7 շարք հյուսում են հիմնական թելով և 10 շարք՝ օժանդակ։ Գործվածքը հանում են մեքենայից, շրջում և հատերը կրկին անցկացնում ասեղներին, օժանդակ թելով հյուսված զոլը ծալում շիտակ երեսի վրա այնպես, որ երևան հիմնական հատերի աղեղները։ Բոլոր հատերն ասեղներին անցկացնելուց հետո օժանդակ թելն արձակում են։ Գոտկատեղի գիծն աջ կողմում է, ներքևի եզրը ձախ։ Սկսում են երկրորդ զոլի հյուսումը։ Բոլոր ասեղները դեպի վերին ռելս են դուրս քաշում։ Սայլակը տեղակայում են ձախ կողմում։ Ձախից աջ աշխատանքային դիրքի են վերադարձնում 1 անգամ 45, 4 անգամ 30-ական ասեղ։ Աշխատանքային դիրքի վերադարձնելով մնացած 30 ասեղը, բոլոր ասեղներով հյուսում են 2 շարք, աջից դեպի ձախ վերին ռելս են դուրս քաշում 5 անգամ 30-ական ասեղ։ Վերջին 2 շարքը հյուսում են ձախակողմյան 45 ասեղով։
Բոլոր ասեղները վերադարձնում են աշխատանքային դիրքի, օժանդակ թելով հյուսում մի քանի շարք, գործվածքը հանում մեքենայից, շրջում և հատերը կրկին անցկացնում ասեղներին, ինչպես նշված է վերևում։ Հյուսումը կրկնում են ևս 27 անգամ, սակայն 1-ին զոլում 7-ի փոխարեն հյուսում են 16 շարք, իսկ վերջին լայնացող զոլը հյուսելուց հետո հանում են գործվածքը, շրջում, ուղիղ հյուսում 8 շարք և հյուսումն ավարտում օժանդակ թելով։ Եզրերի բաց հատերը միացնում են ձեռքի հորիզոնական կարով։
Քանի որ առաջին զոլը բաժանված է կարով, մի կեսը հյուսում են սկզբում (7 շարք), իսկ մյուս կեսով (8 շարք) ավարտում կիսաշրջազգեստի հյուսումը։ Կիսաշրջազգեստի ներքևի եզրը շրջահյուսում են հելունով (1-ին շարքը առանց հավելահատի սյունակներ միայն միջհանգուցային հատերից, 2-րդ շարքը դարձահյուսք նույն հաստության թելով)։
Գոտին հյուսում են երկու անգամից։ Աշխատանքային դիրքի են բերում 126-ական ասեղ և դրանց վրա բաշխում կիսաշրջազգեստի կեսի վերևի եզրի հատերը։ Գործվածքը շրջում են շիտակ երեսով դեպի հյուսողը։ Հյուսում են 30-ական շարք, ծալվածք անում՝ բռնելով սկզբնական շարքի հատերը, հատակցման համար հյուսում են ևս 4-ական շարք։ Հյուսումն ավարտում են օժանդակ թելով։ Հատակցումով ամրացնում են զոլերի բաց հատերը, իսկ գոտու կողային եզրերը միացնում են միայն շիտակ երեսից, ուղղաձիգ կարով։ Գոտու միջով լայն ռետինաքուղ են անցկացնում։
Երկկողմանի կիսաշրջազգեստ ստանալու համար օժանդակ թելով հավաքում են 126 հատ, մի կողմից հատակցման
