Էջ:Armenian architecture, Toros Toramanian.djvu/156

Վիքիդարանից՝ ազատ գրադարանից
Այս էջը հաստատված է
75. ՈՍԿԵՎԱԶ

Աշտարակի շրջանում Օշականի մոտիկ մի գյուղ է։ Հնությանց նշմարներ շատ կան, թե գյուղի և թե շրջակա այգիների մեջ։ Սակայն ամենեն ուշագրավն այս գյուղի մեջ Քասախ գետի ապառաժուտ ափունքի բարձունքներու վրա հնադարյան ուրարտական ամրոցն է։

76․ ՈՒՇԻ

Գյուղ Կարբիի մոտերը Աշտարակի շրջանում։ Գյուղին մեջ կա ավերակ եկեղեցվո մնացորդ, իսկ գյուղից դուրս կան երկու եկեղեցիներ հին ընդարձակ գավթով։ Այս եկեղեցիներուն շինողն անհայտ է, հավանորեն պատկանում են 13-րդ դարուն։

77. ՋՐԱՓԻ (Հն. Չրփըլի)

Նշանավոր կամուրջ Ախուրյանի վրա։ Կամուրջը նշանավոր է նրանով, որ այժմ երևում է, թե ավելի քան 30-35 մետր լայնության վրա շինված է միակամար, ջուրը տակից անցնում էր, իսկ վրայով էլ Ախուրյանի ջրից առու էին տանում գետի մյուս ափը բարապետների միջոցով, մյուս կողմի հողերը ոռոգելու համար։

Գյուղի մեջ ուշադրության արժանի հնություն է հին իջևանը, որուն անեղծ մնացած սենյակները այժմ ևս օգտագործում են իբրև բնակարաններ։

78. ՌՆԴԱՄԱԼ

Բջնիից դեպի հյուսիս-արևելք Հրազդան գետի մոտ կգտնվի Ռնդամալ գյուղը։ Այս գյուղի մոտն է մի փոքր կիսավեր եկեղեցի։

79. ՍԱՂՄՈՍԱՎԱՆՔ

Հռչակավոր վանք է Աշտարակի շրջանում, Ազատավանի մոտ 13-րդ դարու սկզբին Զաքարե սպասալարի գործակալ Վաչե իշխանի շինած։

Ընդարձակ գավիթ ունի չորս կամարակապ սյուներու վրա և ճոխ քանդակագործված։ Գավթին կից կա մի փոքր մատուռ և այլ մի փոքր բաժանում, որ ըստ արձանագրության գրատուն է եղած։

80. ՍԱՌՆԱՂԲՅՈԻՐ (Հն. Սոգյութլու)

Արագածի հարավ-արևմտյան լեռնալանջերուն վրա Ադիամանից 3-4 կիլոմետր դեպի հյուսիս արևմուտք մեծ գյուղ է։ Այս գյուղի մեջ նշանավոր է ջուր բխող մեծ քարայրը, որ խիստ առատ ջուր է տալիս և ի հնումն ևս իբրև ուխտատեղի է ծառայել։ Քարայրի ներքին պատերու վրա կան հատ ու կտոր արձանագրություններ։

Գյուղի ծայրին մի հին մեծ շինության պատը մնացել