Այս էջը հաստատված է
Երկիր Ադամայ ծննընդովք,
Զիս լացէք, որ գըլորեցայ.
Անբան կենդանեաց ժողովք,
Վա՜յ տուք ինձ, որ կործանեցայ։
Լերինք ամենայն և մայրք,
Եղկեցէք զիս՝ մոլորեցայ.
Ծովուդ կենդանեաց կայտառք,
Գըթացէք յիս, ընկըղմեցայ։
Կենացս իմ պատճառ գըտէք՝
Մեռելոյս մեղօքս, որ յանցեայ.
Զի անհընարին ցաւօք
Տարակոյս շըրջիմ բացակայ։
Մեղացս իմ չարեաց պարտուց
Չէ՛ բընաւ ոքիկ գիտակայ.
Այրիմ խորովիմ ես յիս,
Կենաց դեղ խընդրիմ թէ կենայ։
