Այս էջը հաստատված է
(348—439)
***
Թագաւոր գալով քո յաշխարհ,
Մտեր ի քաղաքն Երուսաղէմ.
Նստեալ ի վերայ հողեղէն նոր յաւանակի,
Կոչել զհեթանոսըս յերկրպագութիւն։
Ծերքն ոստովք ձիթենեօք,
Եւ տղայքն ոստովք արմաւենեօք
Եւ երամ-երամ դասուքն աղաղակէին՝
Ովսաննա՜, օրհնեալ եկեալ ի յանունն տեառն։
Ցնծացաւ սուրբ Սիօվն,
Բերկրեցան սուրբ եկեղեցիք
Եւ խնդութեամբ բազմաւ՝ ելին ընդ առաջ,
Օրհնէին զգալուստ քո, փրկի՛չ, յաշխարհ։
***
Յորժամ եկն Յիսուս
Երուսաղէմ ի քաղաքն,
Ընդ առաջ ելին ծերքն՝
Ոստովք ձիթենեօք
Եւ զաստուածորդին փառաւորէին։
Ի լեռնէ Ձիթենեաց՝
Տարածանէին մանկունքն
Ըզհանդերձս իւրեանց.
