Էջ:Armenian classical poetry vol 1.djvu/63

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


Եւ անդադար ձայնիւ օրհէին՝
Օրհնեալ եկեալ անուամբ տեառն։

Ի ծերոց բղխեալ օրհնութիւն
Եւ ի տղայոց՝ փառաբանութիւն.
Եւ անդադար ձայնիւ օրհնէին՝
Օրհնեալ եկեալ անուամբ տեառն։

***

Այսօր գալով ի Բեթանիայ,
Քո ամենազօր հրամանաւդ
Ձայնեցեր Ղազարու,
Եւ դողացաւ մահ,
Դժոխք պարտեցաւ,
Ապականութիւն լուծաւ,
Կենդանարա՛ր Քրիստոս,
Կեցո՛ ըզմեզ։

Այսօր գոլով ի Բեթանիայ,
Զքո զաշխարհակեցոյց
Սուրբ զյարութիւնդ
Յառաջագոյն ծանուցեր՝
Անապականաբար կոչմամբ
Զչորեքօրեայն ի թաղմանէ,
Կենդանարա՛ր Քրիստոս,
Կեցո՛ ըզմեզ։

Այսօր գոլով ի Բեթանիայ,
Եբրայեցւոց մանկունքն
Սքանչացեալ ասէին՝
ԸզՄարիամու զեղբայրըն
Ի թաղմանէ յարուցեալ՝
Որդւոյն Մարիամու.
Կենդանարա՛ր Քրիստոս,
Կեցո՛ ըզմեզ։