Էջ:Documents and public speeches about First Republic of Armenia.djvu/14

Նախագահում է Ավ. Ահարոնյանը։ Ներկա էին՝ Ն. Աղբալյանը, Ս. Վրացյանը, Ռ. Տեր-Մինասյանը, Ա. Բաբալյանը, Ս. Հարությունյանը, Ղ. Տեր-Ղազարյանը, Տ. Բեկզադյանը, Ս. Մամիկոնյանը, Ա. Երզնկյանը, Մ. Հարությունյանը, Մ. Պապաջանյանը, Մ. Բունիաթյանը, Հ. Քաջազնունին, Ալ. Խատիսյանը։

I. Ուլտիմատումի խնդիրը.

Ուլտիմատումն ընդունելուն կողմնակից են Հ. Յ. Դաշնակցությունը և Հայ ժողովրդական կուսակցությունը։ Սոցիալ–դեմոկրատները հայտնում են, որ ժամանակ չեն ունեցել ժողով կայացնելու, ուստի իրենց առավոտյան կարծիքը^[1] մնում է իր ուժի մեջ։ Սոցիալիստ-հեղափոխականները չկան։ Տ. Բեկզադյանը և Ս. Մամիկոնյանը մնում են նախորդ կարծիքին^[2]։

ՈՐՈՇՈՒՄ. Որոշվում է ուլտիմատումը համարել ընդունված, իսկ ձայները հաշվել վաղը։

Հարց են տալիս, թե ո՞վ է ուլտիմատումն ընդունում՝ <Հայոց> ազգային խորհուրդը, թե մի ուրիշ մարմին՝ Հայոց կառավարությունը՝ Ազգային խորհրդից կազմված։

Մ. Հարությունյանն առաջարկում է Ազգային խորհուրդը հայտարարել ժամանակավոր կառավարության։ Կարելի է Ազգային խորհուրդը դարձնել մի տեսակ պառլամենտ և կազմել կառավարություն՝ թեկուզ և դրսի մարդկանցից։ Պետք է այնպիսի պատվիրակություն ուղարկել, որ թուրքերի վստահությանը վայելի։

Ս. Վրացյան. Ըստ կարգի նկատում է, որ խնդիրը կապ ունի անկախության հարցի հետ. մեր կուսակցության^[3] մեջ այդ հարցը դեռ ծեծվում է։ Հարմար է, որ ֆրակցիաները մի եզրակացության գան և ապա խնդիրը լուծել։

1. Մայիսի 28-ի աոավոտյան ժամը 12°°–ին կայացած Հայոց ազգային խորհրդի նիստում սոցիալ-դեմոկրատները դեմ էին արտահայտվել թուրքական վերջնագիրն ընդունելուն։
2. Մայիսի 28-ի առավոտյան ժամը 12°°-ին կայացած Հայոց ազգային խորհրդի նիստում Խորհրդի անկուսակցական անդամներ Տ. Բեկզադյանն ու Ստ. Մամիկոնյանը դեմ էին արտահայտվել թուրքական վերնագիրն ընդունելուն։
3. Խոսքը Հ. Յ. Դաշնակցության մասին է։