նոր կառավարություն կազմի՝ տեղափոխելով այնտեղ, որտեղ մեր ժողովուրդն է։
Գեներալ Մ. Արեշով. Ռազմական տեսակետից անհրաժեշտ
է, որ զինվորական մինիստրը լինի անկուսակցական և մասնագետ
զինվորական։
Նիստը փակվում է ժամը 11 և կեսին՝ շարունակությունը թողնելով
հետևյալ ժողովին։
ՀԱԱ, ֆ. 222, ց. 1, գ. 141, թ. 239 և շրջ., 240 շրջ-241 շրջ.։ Պատճեն։ Մեքենագիր։
№7
Հայոց ազգային խորհրդի գործառույթների խնդրի
քննարկումը Հայրենակցական միությունների
վարչությունների ընդհանուր ժողովում
30-ին մայիսի 1918 թ. կայացավ Հայրենակցական միությունների
վարչությունների ընդհանուր ժողովը, որը նախագահում էր Միք.
Ղարաբեկյանը։ ժողովին ներկա էին միայն 22 ներկայացուցիչներ՝
Ախալցխայի, Ախալքալաքի, Գանձակի, Ղազախ-Շամշադինի, Ղարաբաղի,
Լոռու, Շամախի-Գյոկչայի, Նոր Բայազետի հայրենակցությունների
կողմից։ Նիստի օրակարգն էր. ա) Միջոցների խնդիրը և բ)
Միության վերաբերմունքը դեպի <Հայոց> ազգային խորհուրդը։
<...> Անցնելով օրակարգի երկրորդ կետին՝ նախագահը
հայտնում է, թե, նախքան որոշելը մեր վերաբերմունքը դեպի <Հայոց>
ազգային խորհուրդը, անհրաժեշտ է քննել այն հարցը, թե ինչպե՞ս
պիտի լինի Ազգային խորհուրդը, ի՞նչ սահմաններում պետք է կատարվի
նրա իշխանությունը, արդյո՞ք պետք է կապված լինի նա տերիտորիայի
հետ, թե՞ կարող է կապված չլինել և, վերջապես, ի՞նչ հարաբերությունների
մեջ պիտի լինի Ազգային խորհուրդը հայ ժողովրդի զա–
