ժողովը որոշում է օրակարգի մյուս կետը քննելու համար գումարել արտակարգ նիստ, որը և նշանակել վաղը՝ ուրբաթ, մայիսի 31–ին, երեկոյան ժամը 6-ին։ Նիստը սկսվում է ժամը 6 1/2-ին, փակվում ժամը 9 1/2-ին։
ՀԱԱ, ֆ. 245, ց. 3, գ. 4, թ. 45,46-48 շրջ.։ Բնագիր։ Ձեռագիր։
№8
Տեղեկատվություն «Հորիզոն» թերթում՝ Հայոց
ազգային խորհուրդը Երևան տեղափոխելու մասին
Մեզ հաղորդում են, որ <Հայոց> ազգային խորհուրդը մտադիր է, հենց որ այդ հնարավոր դառնա, տեղափոխվել Երևան՝ Արարատյան Հանրապետության մայրաքաղաքը։
«Հորիզոն», 1 հունիսի 1918 թ., № 104։
№9
Վրացական «էրթոբա» թերթը Թիֆլիսից Հայաստանի և Ադրբեջանի իշխանության կենտրոնական մարմինները հեռացնալու մասին՝ արտատպված «Հորիզոնում»
Ինչպես գիտենք, հրատարակվեց Ադրբեջանի անկախությունը։ Հրատարակվեց նույնպես Արարատյան անկախ հանրապետությունը,
