— Բայց, ըսավ օր մ իրեն տգետին մեկը, թագավորը քեզի անոր համար ամսական կուտա, որ գիտնաք։
Իմ գիտցածիս համար ամսական կուտա ինձ, պատասխաներ գիտնականը պարկեշտությամբ, եթե չգիտցածներուս համար տար, տերության բոլոր գանձերն ալ չպիտի բավեին։
⁂
Նավաբեկութենեն նոր ազատվող աշխույժ նավաստի մը երբ անմիջապես դարձյալ նավարկության կը պատրաստվեր, յուր բարեկամներեն մին ըսավ իրեն.
— Եղբա՛յր, դեռ նոր նավաբեկութենեն աղատեցար, դարձյալ ինչպե՞ս կը համարձակիս անմիջապես նավ մտնել։
— Է՞յ, ի՞նչ կըլլա եղեր։
— Ի՞նչ պիտի ըլլա քու հավդ ինչեն մեռավ։
— Նավաբեկության բռնվելով խեղդվեցավ։
— Հա՞յրդ։
— Ան ալ նավուն մեջեն ծովն ինկավ։
— Եղբա՞յրդ։
— Ան ալ նավը ժայռի մը զարնվելով մեռավ։
— Անանկ է նե դարձյալ չե՞ս վախնար նավ մանելու։
— Լա՛վ, քու հավդ ո՞ւր մեռավ։
— Ուր պիտի ըլլա, իր անկողնույն մեջ:
— Է՛յ, հա՞յրդ։
— Ան ալ իր անկողնույն մեջ։
— Է՛յ, եղբա՞յրդ։
— Ան ալ նույնպես։
— Անանկ է նե դարձյալ չե՞ս վախնար, երբ իրիկուններն անկողին կը մտնես, ըսավ նավաստին և ցատկեց նավը մտավ։
⁂
Օր մը երբ ճարտասանության դասատու մը Դյուրենի մահվան վրա ատենախոսություն մը կըներ, աշակերտներեն մին շատ հավնելով ըսավ իր ընկերոջը.
— Ե՞րբ դուն ալ պիտի կարենաս ասանկ ճառ մըսել։
— Երբ որ դուն ալ Դյուրեն մըլլաս, պատասխանեց մյուսը:
