⁂
— Մեկ բարձի վրա ծերանաք, պարոն Կոմիկ, կարգվիլդ իմացա շատ ուրախ եղա։
— Շնորհակալ եմ։
— Կնիկդ աղվո՞ր է։
— Չէ, աղվոր չէ, եթե շիտակը կուզես՝ շատ ալ տգեղ է, բայց աղեկ թրախոմա տվավ։
— Ա՛լ ասոր թրախոմա չըսվիր ա՛, սրվոր բացե ի բաց աղեկ տուգանք տվավ ըսե՛, լմննա երթա։
⁂
— Մատամ, կը զարմանամ ձեր վրա, ամեն գիշեր տուներնիդ կանչել կուտաք սա պաղ մարդը, որ խաղ կանչե, ասոր ձայնը մտիկ կըլլվի՞։
— Դիտմամբ բերել կուտամ. հյուրերը շատ նստելնուն պես ատ մարդուն խաղ մը կանչել կուտամ, ամենքն ալ կ՝ելլան կ՝երթան։
⁂
— Տիկին, ձեզի բան մը պիտի հարցունեմ։
— Հարցուցե՛ք։
— Տիկին էլմոնիան կը ճանչնաք, այնպես չէ՞։
— Այո՛ շատ աղեկ կը ճանչնամ։
— Քանի՞ տարու է։
— Քառասունհինգ ըլլալու է։
— Ես ալ այնպես գիտեի, բայց առջի գիշեր տեղ մը կը պնդեր, թե ինքը քսանը ինը տարու է։
— Ըսել է թե աշխարհ եկած ժամանակը տասնվեց տարու է եղեր։
⁂
Քարոզիչին մեկը քարող տված միջոցին շփոթվելով ըսավ, թե, Հիսուս հինգ հազար հացով հինգ հոգի կերակրեց շատ մը օրեր։
— Աս ալ բա՞ն մ՝է, պոռաց դասին ետևը կայնող Ամբակում աղան, հինգ հազար հացով ես ալ կրնամ շատ մը օրեր հինգ ոգի ապրեցնել։
