Խեղճ գորտը կենդանի գտնվեցավ, բայց այնպիսի վիճակի մը մեջ, որ արթուն է և ոչ քուն, չեն կրցեր խեղճին բան մը կերցնել»։
— Ա՜հ, կը պոռա պարոնը, որչաթ գոհ կըլլայի, եթե զոքանչիս վրա սա թորձն ընեի։
⁂
Ճաշարանի մը մեջ.
— Կարսո՜ն, հոս եկուր, կերակուրին մեջ մազ գտա։
— Գիտեմ, պարո՜ն, պատճառը, վարպետս կնիկ մը կը սիրեր, աս կնիկը մեռավ, և վարպետս անոր մազերեն քիչ մը բան առավ, իր մետայոնին մեջ դրավ, հիմա ամեն վայրկյան մետայոնը կը բանա և մազերը երբեմն կերակուրներու մեջ կիյնան։
— Ասանկ բան կըլլա՞ մի յա։
— Կաղաչեմ, պարոն, մազը ինձի տվե՜ք, որովհետև բան մը գտնամ իրեն տամ նե՝ շատ գոհ կըլլա վարպետս։
⁂
— Ի՞նչ կըլլա, հոգի՜ս, կառքով երթանք։ Իերայեն մինչև Սամաթիա քալելով կերթվի՞։
— Տիկի՜ն, գիշեր ատեն կառքերը սուղ կըլլան։
— Ատոր դյուրին ճամբան կա։
— Ո՞րն է դյուրին ճամբան։
— Կառքը ամսվան մը համար վարձենք նե՝ աժան կիյնա։
⁂
— Տակավին չկարգվեցա՞ք։
— Չէ՛։
— Ինչո՞ւ, մեծ բարեկենդանին կարգվելու միտք ունեիք։
— Չկրցինք կարգվիլ, ետքեն ալ մեծ պահքը եկավ։
— Մեծ պահքի մեջ թող կարգվեիր։
— Սովորությունը չներեր։
— Ինչո՞ւ չպիտի ներե. ամուսնությունր բարոյական բան մ՝է ասկից զատ հարսանիքը մեծ պահոց մեջ ավելի օրինավոր և տրամաբանական է։
— Ինչո՞ւ։
