Կամ չքաւորաց առ խորանին,
Որք մազ միայն նմա մատուցին,
Մի՛ անարգեալ ըստ տեսողին
Խոզ համարել պատարագին,
Այլ զիմ ընկա՞լ որպէս նոցին,
Յընդունարան քում խորհրդին:
*
Ողբովք առ Տէրն պաղատէ,
Վասն աշխարհիս այս մեր հայցէ,
Նուաղեալ ազգիս, որ սպառեալ է,
Նորոգութիւն փութով խնդրէ,
Խաղաղութիւն խորին շնորհէ,
Անշարժ յաւէտ, որ չսասանէ,
Ընդ որ և հոգոյս, որ գերեալ է,
Մաղթեա՛ չթողուլ ի ձեռանէ:
*
Սահման սիրոյն արարչական
Խոր և անհուն անդնդանման,
Տացէ փրկանս ազգիս մարդկան,
Որ և ազինս այս հայկական,
Նաև եղբօր մեր սրբազան՝
Խնդրող բանիս ներչափական,
