Վիքիդարանից՝ ազատ գրադարանից
Յաշխարհս ի վաճառ եկի
Թէ շահիմ գանձիւք հոգեղէն.
Չար աւազակաց դիպայ,
Թալնեցին զինչ մերկ ի մօրէն,
Շատոց օրինակ եղայ՝
Չարութեամբ բարոյն փոխարէն,
Վախեմ ես ի յայն անուրն,
Որ համար ուզես դու լիսէն.
Չունիմ կենալու ճարակ,
Չէ՛ հնար ումէք կալ աստէն,
Չունիմ գնալու պաշար
Նեղ ու նուրբ ճանփուն հրեղէն.
Ինձ Երեմիաս պիտէր՝
Ողբ ասէր ի յԻսրայելէն,
Որ բազում ողբով կոծէր
Զըմբըռնեալս ի չար վիշապէն:
Ահա, տէ՛ր, հասեալ է ժամ
Խորտակման կըժոյս կաւեղէ՛ն,
Զաշխարհս բարեխօս ունիմ
Առ ծնեալ աստուածդ ի կասէն:
ԸզԿեչառեցի մոլարս,
Զտարբերեալս ի մեղաց ծովէն՝
Ձեռըն տուր ըստ Պետրոսի
Ի ազատեա ի յընկղմանէն.
|
|