Այս էջը հաստատված է
Թևերըդ վըզիս՝
Աստղերո՜ւն տար զիս,
Իմ աղվոր, աղվո՛ր․․․
Ծառերն հեռավոր
Գիտե՞ս կուլային
Մահերգ մ’երկնային․․․
Կը սիրեմ իրեն
Գիշե՜ր նայվածքին
Տաղերը մեկին․․․
Կը սիրեմ իրեն
Անդո՜ւնդ մազերուն
Նվագն օրորուն․․․
Կը սիրեմ իրեն
Ծոծրակը ձյունե
Որ երա՜զ մըն է․․․
Ու շա՜տ կը սիրեմ
Իրիկնամուտին՝
Համբույր մ’իր ճակտին․․․
Բայց ամենեն շատ
Կը սիրեմ իրեն
Արցու՜նքն հոգիեն․․․
Մազերն իր նըրբին
— Ջրվե՜ժ տարորեն —
Ծով ծով կը թափին
Երկու ուսերեն․․․
