Էջ:Misak Metsarents, Collected Works (Միսաք Մեծարենց, Երկերի լիակատար ժողովածու).djvu/23

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Misak Metsarents, Collected Works (Միսաք Մեծարենց, Երկերի լիակատար ժողովածու).djvu/23


III
Անշարժ կեցած մեկուսի
Կը հեծեծեմ սգավոր․
«Վայելքն ինձմե կը խուսի,
Կը հատնի կյանքն օրե օր։

Պիտի րլլա* օր մ'արդյոք,
Որ դառնամ հին օրերուս․
Պիտի շնչե՞մ լիաթոք
Զըվարթությունն անոնց կույս․․․»։

Բայց բնության հըրճվանքեն
Հույս ու ժպիտ կը քաղեմ.
Լույսեր հանկարծ կը ճեղքեն
Մտածումներս դժխեմ։

Եվ անուրջներ ոսկեզօծ'
Լուռ՝ մտքիս մեջ կը պարեն,
Դուրս վանելով անոր հոծ
Թուխպը լույսի փապարեն։



Նշումներ

1903, Հունվար 29,30,31