Վիքիդարանից՝ ազատ գրադարանից
Զանդրժելի գանձն բարձեալ
Ընդ միջերկրայս տարակացեալ,
Զվիճակաւն այնու զանցեալ
Ընդ մոգաստանս գնայր դարձեալ:
Մինչ ի քաղաքըն Խորասան
Աթոռ նոցա արքայութեան,
Ուր և շիջոյց զկրակարանն
Եւ լոյս կանգնեաց հրոյն փոխան:
Եւ զլուսատուն մարդկան հոգւոց
Արեգականն ընդդէմ կացոյց՝
Զակն լուսոյ այս փորուածոյս
Երեք ժամաւ խաւարեցոյց:
Բայց ապառաժն անպտղական
Ոչ աճեցոյց ըստ սուրբ սերման,
Միայն յութից որք ընտրեցան
Եւ ի նմանէ մկրտեցան:
Նոքօք դառնայ ի նոցանէ,
Կրկին ի Հայս դարձեալ դիմէ,
Ի Գողթ գաւառն մտանէ,
Զբաղումս ի տէր դարձուցանէ:
Զանբիծ հաւատն անդ հաստատեաց,
Զարսն նոցա գլուխ կարգեաց,
Առեալ զոմանս, որք ի կանանց,
Եկեալ յերկիրն Անձևացեաց:
|
|
