Վիքիդարանից՝ ազատ գրադարանից
Որ բարեխօս է բոլորին
Ազգի համայն քրիստոնէին,
Առ միածին Յիսուս որդին՝
Փրկել զծնունդ աւազանին:
Ընդ նմին և սուրբ Բարդուղիմին
Տեառն Յիսուսի առաքելին
Եւ սուրբ Գրիգոր Լուսաւորչին
Զմեզ խառնէ առ Քրիստոսին:
Նոցին կցորդ Թադէոսին,
Որ առաքեալն է Հայկազնին,
Որու առաք զհատ մարգարտին՝
Զհաւատն ուղիղ՝ շնորհիւ սորին:
Այս չորեքումբք վիմօյշ հաստին
Շինուածք մերու սուրբ հաւատին,
Ծննդեամբ սրբոյ Աստուածածնին,
Որ է միջնորդ մեզ առ Որդին:
Արի արբմամբ հոգոյ շնորհին
Քարոզութեամբ Թադէոսին,
Զոր վիճակեալ առաքելոց
Հայք մասն եղեալ Թադէոսին:
Այլև երկունք մեր լուսատուին
Չարչարանօք մասն երկոքին,
Երիւք հնգօք ամօք ելին
Կրեաց ընդ տեառն զպակաս նորին:
|
|
